Stephen Gately

今年好似好多外國明星死咁, 今日睇到一個都幾震驚既死訊, 佢就係Boyzone 既Stephen Gately, 真係估唔到, 太後生la! 其實響佢出過果隻唯一既Solo Album, 我好鍾意呢首歌, esp. 係D 歌詞.

好耐無寫xanga! 今日寫除左係因為近來有friend 返左黎, 同埋琴晚同BSW 同學食飯外, 仲有就係想藉呢個地方同之前各位響facebook 祝我生日快樂既人講聲多謝.

大家唔好怪我ar! 因為我都係今日先睇到大家原來之前留左言比我ja! 而且我係唔識搵ga! haha! 超低能, 勁搞笑!

琴晚12點放工, 即飛返屋企沖涼, 準備睇Michael Jackson 既追悼會. 當係一個concert? 當係一個儀式? 其實響香港就好大分別, 但響美國, 其實分別真係唔大. 響美國, 追悼會係有歡送同埋回顧一個人一生既目的 氣氛係會有悲喜交雜.

睇完成個悼念會, 其實有D 位係幾感動, 不過我反而覺得無線既午間新聞果段1分幾既片做得好好, 短短地, 剪左幾個shot, 好感動. 最後以You are not alone 黎埋尾, 同埋一束燈光影照無人的舞台¸真係好感動.

其實Michael Jackson 死左之後, 我印象最深既一個片段, 係一大班歌迷圍響Apollo Theater 前一齊唱I’ll Be There. 而琴晚Mariah Carey 同Trey Lorenz 一唱I’ll be there, 真係好似唱緊Michael Jackson 既一番話, 縱使佢離開左, 但He’ll be there.

最後大合唱既We are the world 同埋Heal the world, 令我再一次記返起, Michael Jackson 除左D 舞跳得出名外, 佢作既大合唱, 同埋世界大同, 種族融和既歌都係好出色. 而呢兩首歌放後, 就好似MJ 最後既宏願咁, 而且亦將氣氛由懷緬帶到去積極.

MJ 既一生有好多大起大跌, 但佢同Madonna 真係而家呢個世界樂壇最大粒果兩個歌手, MJ 死左, 真係好似呢個世界少左一個重要既人. 佢既死係光榮定係遺憾? 無人下定到, 不過我自己則覺得, 佢死既時候, 能夠令全世界咁多人一齊去懷緬佢¸ 響咁多人面前, 咁唔捨得既情況下離開, 真係唔係個個人都有咁既面子同地位, 相信呢樣野真係可以代表到佢對世界既影響力

行政上, 我係過左試用期, 實際上我仲有5日先過, 亦即係係我做左YND 半年. 近來同多左d friend 食飯, 傾左好多野, 工作上亦都面對左幾多"人生無咩幾可會有機會做既野", 見識多左, 但亦開始對自己有個疑問, 見住身邊好多好passionate 既worker, 自己不其然會問, 我係唔係真係arm 做社工呢? 琴晚有個同事負責搞case sharing meeting, 玩左"屋樹人",  其實當中都有幾多野係中, 我自信心同埋對家既依戀, 越大越想得到保護, 係唔係唔成熟??

今日7-1, 我去左幫手做義工, 今次參與7-1, 同03年時候參加個感覺好唔同, 之前自己有份行, 睇既野都係睇到前前後後果堆人既情況, 今次係做街站, 見到晒每一個參與遊行既人, 當中有幾多係識既人, 有朋友, 有名人, 有一d 師兄等等, 但感覺真係同之前好唔同, 每一個響你身邊經過既人, 黎既目的好唔同, 但都有一個共通點, 就係不滿!

我唔鍾意呆板工作, 但好似富挑戰既工作又有難度, 我應該點好呢?